頭版

粵文維基百科

海納百川有容乃大
人人都寫得嘅自由百科

有 71,734 篇文章

文藝
人物

地理
歷史

數學
全部

是日正文

科學係指一個有系統咁去尋求同組織知識嘅行業。佢嘅方法係建基於實證方法－科學家會諗一啲驗證得到嘅理論同假說出嚟，再做實驗或者用觀察嘅方法嚟攞數據，跟手再睇吓佢哋嗰柞理論同假說係咪真係符合攞到嘅數據，最後唔啱嘅理論同假說會畀科學家淘汰或者改；跟住科學家會係咁重覆呢個過程，一路直到揾到一啲完全符合實驗同觀察數據嘅理論為止。

現代嘅科學會按照研究嘅題目分做唔同嘅學科，大類有形式科學、物理科學、生命科學、同社會科學－而呢啲大類重有得分得再細啲，好似係專係研究冇生命嘅自然物體嘅「物理科學」，就有得細分做物理同埋化學呢啲再專門啲嘅學科。而且學界重有「應用科學」呢樣嘢－專係指一啲將科學用喺實際範籌嘅學科，例如係工程學呢啲。

科學呢家嘢歷史好悠久，有得追溯到去古希臘時期。嗰時古希臘嘅哲學家好鍾意傾同諗點樣先至可以得到知識，開始度咗啲橋出嚟：佢哋有討論科學同實證方法點樣可以幫到人類得到知識。由嗰時開始，科學就有一路發展，古羅馬、印度文明、中世紀嘅歐洲、同期嘅伊斯蘭世界同華夏文明（尤其係趙宋皇朝）、文藝復興嘅歐洲、同埋近世嘅歐美同日本都有見到重大嘅科學進展。而到咗廿一世紀，科學已經做咗一樣全世界都喺度搞嘅嘢。每年世界各個大國都投資好多錢落去科學研究度，而科學家亦都成為咗一份幾有社會地位嘅工。另一方面，科學對社會同人文嘅影響好大，有好多科幻戲同小說都係喺度探討緊科學對人類社會嘅影響，而科學上嘅進步又好多時會產生新科技嚟刺激文藝方面嘅發展，例如光學（研究光嘅物理學分枝）嘅進步令到人發明咗相機呢樣機器－進而令到現代人有咗影相呢門美術。 (成篇文章……)

以前嘅正文：第10屆英國保守黨黨魁選舉 – 2016年東亞寒流 – 橫渡珠江

歸檔 – 提名 – 全部60篇正文...

你知唔知...

...朱次伯唔單止係薛覺先個師父，仲係粵劇白話化嘅先驅，文武生行當、粵劇平喉嘅創始人？

...梁蔭棠喺粵劇界有「武探花」之稱？

...組合語言呢種程式語言成日俾黑客攞嚟重造啲大軟件嘅源碼？

...廣州三元里人係喺正月十八先過元宵節，係聯誼舊恩洲十八鄉嘅傳統之一？

...訊息論係一個研究訊息嘅數學理論，有方法將「訊息」呢個概念量化？

...香港陶瓷藝術家李慧嫻專整頭望向上嘅肥嘟嘟人像雕塑（圖）？

...唔少漫遊詞喺有文字紀錄之前已經喺唔同語言之間借嚟借去？

...芭蕾舞源自15世紀嘅意大利？

提名 – 歸檔 – 寫新文

是日靚畫

李雲迪，原名李希熙，係中國年輕嘅鋼琴家。佢喺重慶出世，曾經喺深圳藝術學校讀書。

2000年10月，李雲迪喺第14屆蕭邦國際鋼琴比賽嗰度攞到第一名，係嗰個比賽史上最後生嘅第一名。

2006年，李雲迪透過優秀人才入境計劃，申請喺香港定居，喺嗰年11月批咗，做咗香港居民。

圖片來自：Mumu1982
舊圖 - 更多正圖...

時人時事

國際度量衡大會全體會議通過決議：從2019年5月20號開始，改用以普朗克常數為基礎嘅公式（圖）作為「千克」嘅新定義，取代由1889年生效至今嘅舊定義。

全球最長跨海大橋港珠澳大橋正式通車。

沙地阿拉伯當局被控喺沙地駐土耳其伊斯坦堡領事館殺害並肢解《華盛頓郵報》記者札馬勒·夏梭基。

印尼蘇拉威西強烈地震兼引發海嘯，造成最少1407人死、2500人傷。

香港物理學家、諾貝爾物理獎得主、譽為「光纖通訊之父」嘅高錕辭世。

颱風山竹吹襲東南亞，喺菲律賓（當地稱「荌邦」）、香港、澳門、廣東珠三角同粵西地區造成唔少破壞。

2018年台風第21號吹襲日本，造成最少10人死，超過600人傷；關西空港停機。

史葛·莫理遜喺經過自由黨領袖變動之後，取代咗茂琴·譚保做咗澳洲總理。

維基新聞^{（英｜中）} – 訃聞 – 更多時人時事…

當年今日

3月18號：

1584年：俄羅斯歷史上第一位沙皇伊凡四世死咗。

1871年：巴黎工人起義，巴黎公社革命爆發（圖）。

1926年：北洋軍閥射死北京請願學生，「三一八慘案」發生。

1949年：美國同西歐國家組建北大西洋公約組織。

2000年：民進黨候選人陳水扁當選為中華民國總統，形成台灣政治史上首次政黨輪替。

上幾日：3月17號 – 3月16號 – 3月15號

舊文 – 更多當年今日

維基百科街坊

幫助櫃枱 — 問下點用維基百科。

詢問處 — 好似個圖書管理員。有唔同志願人士解答你各科疑難。

城市論壇 — 傾下維基百科本身嘅嘢，例如技術同方針。

社區大堂 — 維基百科唔同方面嘅壁佈板，計劃，資源，活動。

網站新聞 — 維基百科同維基基金會嘅宣佈，更新同新聞發佈。

本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.